奇妙的釣魚地點及日期

係今年的5月24日(星期三)正好係假期 ，所以terry家就搞左一次family day 活動，就係爸爸同三叔最鍾意概釣魚啦 ^^ 係讀書同孩童時代，我都有同細老同表妹或同學朋友一齊去釣魚，不過多數都係大石上或岸邊，而且次次都係無收穫，真係純消閒。但今次唔同，竟然可以打破縮命，貢獻左三條魚仔呀 ^~^haha

係因為地點問題?!或是因為係佛誕 - 別人放生我地釣魚?! @.@

不過....... 唉~~~ 又係咁啦 >.< (遲到) 原本一早約好早上9點係坑口地鐵站等埋一齊(爸，佩，鐳，玉)搭小巴入西貢碼頭飲茶再去釣魚，點不知.......一早已經唔順利>.~由原本等埋我地一齊食野，點知去到係餘返比我地食(遲左1個鐘)

飲飽食醉後，我地(terry family，三叔family仲有四叔)出發到西貢小沙灘注地，不過好快就被附近的水上活動中心人員要求撤離，我地只好搬到沙灘的另一端進行我地釣魚活動
感覺好特別好奇妙，因為我未曾試過釣魚的位置o係係沙灘，係一個會有人游泳的地方但又唔會有人游近的邊界，對腳會浸係水到 (唔係用魚排，係用魚桿！好pro呀~~~~ ^^) 仲引左好多小朋友過黎睇到玩tim(係亞佩同東東個邊) !.<

三叔同亞佩都釣到大魚 (手掌咁大咖) ，亞玉就釣得魚量最多，爸就釣得最多品種的魚，亞鐳就只釣得一條 (魚量最少 haha)，我同terry都係釣左三條魚^^yeah~~

大家都好開心，好滿意今次的活動，仲影左好多相tim，家人的有風景的

2點幾離場食野，5點歸家 不過有個唔好就係晒到焦左

(雖然四叔好細心咁帶左幾個香港十週年紀念帽比我地，但都晒焦了#.#)多謝四叔

有大家的參與，我地的收穫不少呀(有廿幾條)，晚飯後大家仲有好耐無飲過的魚湯tim (真係好美味咖~~~ )